|
Главная
История
Архитектура
Будни
Наши Святые
Паломнику
Церковная лавка
Фотогаллерея
Контакты
Благотворителям
Карта сайта
|
Тропарь, гл. 1
Божественною свыше просветився благодатию, преподобне, многим
терпением в жизни временней подвиг совершил еси. Темже источаеши чудес благодать
всем с верою приходящим к раце мощей твоих, Ефреме преблаженне. Сего ради зовем,
слава Давшему ти крепость, слава Венчавшему тя, слава Действующему тобою всем
исцеления.
Кондак, гл. 8
Яко Богоявленная Российская звезда, десь сияя чудесы, явился
еси, преподобне отче Ефреме, тем не престай моляся о стаде своем, сохраняяй
отечество твое, град же и люди, иже тебе верою почитающих и к честным мощем
твоим усердно притекающих, да велегласно тебе вопием, радуйся, Богомудре Ефреме,
отче наш.
Молитва
О священная главо, великий и предивный чудотворче, отче наш
Ефреме! К тебе скорому помощнику и усердному о нас молитвеннику смиренно
прибегаем и молитвенно просим тя: нас скорбных и
обремененных грехи многими, не остави помощию твоею святой и заступлением
благодатным. Не забуди нас чад твоих, отче священнейший, но поминай нас присно в
небесных и богоприятных молитвах твоих у престола Пресвятыя Троицы, идеже со
ангелы и всеми святыми предстоиши и зриши вся наша нужды и беды, яко обуреваемся
страстьми и не имамы дерзновения ко Творцу просити Его о помиловании и спасении.
Темже тебе предлагаем во умилостивителя пред Господом и тобою уповаем милость
Божию и прощение грехов наших от Вседержителя получити и спасение вечное
унаследовати, да славим и поем величие и благодать и человеколюбие Отца и Сына и
Святаго Духа и твое отеческое заступление, ныне и присно, и веки веков. Аминь
|
Борисо-Глебский
мужской